MIAMI —
Yon sipè fanatik vedèt foutbol Lionel Messi jwenn mwayen pou l bo misye nan yon restoran nan Miami.
Nan videyo ki pibliye sou rezo sosyal yo, foutbolè a, ki gen 36 zan, sanble, rale ko li rapidman epi al rejwenn fanmi li ki tap manje soupe nan restoran an.
Apre plizyè sityasyon konsa pandan mwa ki pase yo, madanm Messi a, Antonela, anboche plis gad sekirite, men sanble yo pat nan zon nan nan moman an.
Sanble pral gen yon nouvo nivo adorasyon pou loreya Ballon d'Or la nan moman fanatik yo Ozetazini komanse abitye avèl.
Messi pral jwe premye match li ak nouvo ekip li, Inter Miami Dimanch. Biyè pou gran debi li 22 Jiyè nan match Lig Chanpyon an kont Cruz Azul ap vann kou pate cho.
