Otorite yo fè konnen manifestan atake epi boule yon polisye ki tap fè patwouy nan rejyon Pewou ki rele Puno a. Manifestan move kou kong ap pwoteste kont dechoukaj ansyen Prezidan Pedro Castillo.
Gen 47 moun ki mouri jiskaprezan nan manifestasyon vyolan ki dewoule nan peyi a.
Jose Lis Soncco Quispe tap fe patwouy ak yon lòt polisye nan vil Juliaca Lendi swa lè yon foul te atake li epi mete dife nan machin yo.
Premye Minis Alberto Otarola konfime lanmo polisye a e li di gen 2 polisye ke manifestan yo atake.
Yo te mete yon polisye anba kòd epi bat li, lòt la yo te "boule tou vivan andedan machin polis li" Otarola fè konnen.
