Otorite Bahamas fè konnen yon bato ki tap transpòte migran Ayisyen sanble koule nan lanmè. Yo di otorite Bahameyen yo jwenn 17 kadav nan dlo a e yo sove 25 lot.
Li pa klè si gen moun ki disparèt apre bato a te koule bonè Dimanch maten ak yon distans 11 kilomet konsa ak vil New Providence.
Premye Minis Philip Brave Davis di nan deklarasyon li pibliye, pami moun ki mouri yo gen 15 fanm, yon gason ak yon ti bebe.
Li di gen lot moun ke yo rive sove, travayè lasante yo mennen lopital pou obsèvasyon.
Gen plizyè nofraj bato ki tap tranpòte migran Ayisyen ki fèt ane sa a, nan moman gouvènman Ameriken ak lot gouvènmen nan rejyon an rapote yon gwo ogmantasyon nan kantite Ayisyen yo arete pandan yo tap eseye antre nan peyi yo ilegalman.
