Mwayen Oryan
Twoup Izrayelyen Debake nan Pi Gwo Lopital Gaza a

Twoup Izrayelyen yo debake nan pi gwo lopital Gaza a kote yo tap chache tras Hamas andedan an ak anba bilding nan, ki chaje ak plizye santen pasyan pami yo tibebe ki fek fet.
Lopital la pase plizye jou san elektrisite ak yon ti kras manje pandan batay ap dewoule ozalantou li.
Responsab lasante Gaza yo pale de pesonel medikal ak pasyan ka pe anpil nan moman twoup anvayi espas la.
Ahmed Etiema, yon Palestinyen ki suviv atak la rakonte sa l viv.
" Timoun yo te nan pyes la sanzatann obu a frape sol la nan etaj pi wo a. Timoun isit yo blese. Gen 4 mwen jwenn yon lot 3 timoun. Mwen pa konn ki kote yo ye. Mespere Bondye va tire revanj li pou sa."
Detay sou atak Mekredi a poko finn kle, men otorite nan Izrayel ak Gaza prezante vesyon diferan de sak pase adedan lopital la.
Lame Izrayelyen an pibliye yon videyo ki montre solda yo kap pote bwet ki make "manje pou tibebe" ak "pwovizyon medikal" sou yo.
Premye Minis Benjamin Netanyahu rankontre twoup Izrayelyen yo nan baz Zikim la tou pre rejyon no Gaza.
"Nou sonje le yo te di nou nou paka antre Gaza. Nou antre. Yo di nou paka pwoche Gaza Siti. Nou rive. Yo di nou paka antre Shifa - Nou antre."
Netanyahu di li pale ak Prezidan Etazini Joe Biden epi di l Izrayel pap sispann.
"Nou pap bay le gen. Nou pral elimine Hamas epi atenn yon viktwa konple epi reprann otaj nou yo. Ak asistans ou epi asistans Bondye. Mesi anpil nou eksepsyonel."
Prezidan Mahmoud Abbas kondane batay Gaza a ak zak vyolans ki vize Palestinyen yo. Misye pran la pawol Mekredi a lokasyon jounen Endepandans Palestinyen an.
"Kadav timoun nou yo ke misil agresyon Izrayelyen sa a rache an miyet mosso, san fanm nou ak gason nou ki koule - misil lame agresyon an kraze espwa yo epi etenn lavi yo. Se pral yon madichon pou yo si yo eseye okipe nou. Sa yo ki rete vivan pap rete bouch be sou krim lage Izrayel komet kont pep nou nan Gaza, nan Sisjodani ak nan Jeruzalem."
Izrayel ap fe fas ak anpil presyon pou pwouve deklarasyon li fe pou di Hamas te transfome lopital Shifa a pou fel tounen yon baz komandman.
Chef Oganizasyon Mondyal Lasante a OMS, TEDROS GHEBRE-YESUS deklare Mekredi atak sou lopital Shifa a "konpletman inekseptab."
"Operasyon milite Izrayel la nan lopital Al-Shifa Gaza Siti a konpletman inekseptab. Lopital pa chan batay. Nou gen anpil ke sote pou sekirite anplwaye medikal yo ak pasyan yo. Pwoteksyon yo total-kapital. OMS pedi kontak ak travaye lasante kap travay nan lopital Al-Shifa yo."
Lachin bo kote pa li lanse apel pou yon seselfe.
Mao Ning, se potpawol Ministe Afe Etranje Lachin.
"Lachin repete plizye fwa fok gen yon seselfe pi vit posib pou evite dezas imanite pi grav. La chin ap fe jefo pou aji kom medyate pou mete fen nan konfli a. Lachin pral kontinye travay ak lot pati yo pou jwe yon wol konstruktiv e aktiv - pwomouvwa yon seselfe, bese tansyon yo, soulaje sityasyon imanite a epi chache yon lape dirab ki gen yon solisyon 2 eta ladann."
Yon lot kote, Minis Defans Izrayelyen an Yoav Gallant te rankontre Kowodonate Espesyal Etazini pou Mwayen Oryan an Brett McGurk nan Ministe Defans la nan Tel Aviv Mekredi.
Nan yon deklarasyon li pibliye ministe a di 2 responsab yo diskite sou lage Izrael Hamas la pandan twoup Izrayelyen yo kontinye avanse nan Gaza.
Enfomasyon pou repotaj sa a soti nan AP ak Reuters.
See all News Updates of the Day
Rubio di Hamas Pral 'Detwi' Si Yo Pa Libere Tout Otaj Izraelyen yo

Sekretè Deta Ameriken an Marco Rubio lanse gwo bout tonton avètisman Samdi bay gwoup Hamas la.
Li avèti gwoup la, lap "detwi" si li pa "kontinye" lage tout otaj li kenbe nan Strip Gaza a, li denonse tou lanmò yon fanmi Izraelyen ki te nan men mouvman islamis la.
Sekretè Deta a te di sou X "Tretman Hamas bay otaj yo, ki gen ladan asasina brital fanmi Bibas yo, montre kòman yo trete otaj sa yo yon fason ki sovaj e se yon lòt rezon ki fè nou di teworis sa yo dwe lage tout otaj yo imedyatman oswa yo dwe detwi," .
Izrayèl Idantifye Rès Kò Timoun Otaj yo, Men Lòt Kò Hamas Remèt la, se pa Manman yo

TEL AVIV, Izrayèl (AP) — Lame Izrayelyèn di li idantifye rès kò de timoun otaj, men lòt kò Hamas te remèt pa manman ti mesye yo.
Militan Hamas te remèt kat kò jedi pandan yon trèv nan lagè ki kòmanse depi plis pase 15 mwa.
Izrayèl konfime youn nan yo se Oded Lifshitz, ki te gen 83 lane lè yo te kidnape l pandan atak Hamas la ki te kòmanse lagè a an 2023.
Lame a di pita yo idantifye rès kò Ariel ak Kfir Bibas, men dènye kò a pa t manman yo, Shiri Bibas, ni okenn lòt otaj.
Yo deklare echèk pou retounen kò kat otaj yo jedi se yon vyolasyon grav akò sispansyon lagè a.
Hamas Remèt Kò 4 Otaj Izrayelyen, Pami yo yon Manman ak 2 Pitit li yo

KHAN YOUNIS, Bann Gaza (AP) — Hamas remèt kò kat otaj Izrayelyen, pami yo yon manman ak de pitit li yo ki te gen lontan depi yo te konsidere yo mouri epi ki te vin tounen yon senbòl soufrans nasyon an apre atak 7 oktòb 2023 la.
Gwoup militan an di li remèt kadav Shiri Bibas ak de pitit li yo, Ariel ak Kfir, ansanm ak Oded Lifshitz, ki te gen 83 lane lè yo te kidnape l. Kfir te pi piti otaj yo te pran jou sa a.
Hamas deklare tou lè kat yo te mouri nan frap ayeryen Izrayèl yo.
Militan yo te mete kat sèkèy nwa sou yon sèn nan Bann Gaza jedi, ak drapo toutotou, anvan yo te remèt yo bay Lakwa Wouj.
Rubio di Relasyon Washington ak Moskou ta Ka Ranfòse Apre Lagè Ikrèn nan

Sekretè Deta ameriken an, Marco Rubio, te di madi apre li te rankontre kont pati li a Ris nan Riyad ke relasyon ant Washington ak Moskou ta ka ranfòse si lagè nan Ikrèn te fini.
Sekretè Deta ameriken an, Marco Rubio, te di madi apre li te rankontre tokay ris li a nan Riyad ke relasyon Washington ak Moskou ta ka ranfòse si lagè nan Ikrèn nan fini.
Msye Rubio di repòtè yo, "opòtinite egziste pou nou kapab gen yon patenarya" ak Larisi, men li te ajoute ke "pou sa fèt, se ta apre konfli sa a."
Nan menm chita pale sa a ak laprès, Marco Rubio te bay plis detay sou chita pale yo, li te deklare "Bon, premye bagay m ta di sè ke nou antann nou sou kat prensip mwen panse ki enpòtan. Dabò, nou pral travay. Nou pral chwazi ekip nou yo, kap travay trè vit pou re-evalye fason misyon 2 peyi nou yo ap fonksyone nan Washington ak Moskou. Pou n ka kontinye vanse nan direksyon sa a, fòk nou gen enstalasyon diplomatik k ap opere e k ap fonksyone nòmalman."
Netanyahu Bay Siy li ap Mache ak Plan Trump pou Wetire Palestinyen yo nan Gaza

JERIZALÈM (AP) — Premye Minis Izrayèl la, Benjamin Netanyahu, bay siy li ap mache ak pwopozisyon Prezidan ameriken an, Donald Trump, pou transfere popilasyon palestinyen an soti nan Gaza. Netanyahu dekri sa kòm “sèl plan ki posib pou pèmèt yon avni diferan” pou rejyon an.
Li te diskite sou plan an dimanch ak Sekretè Deta ameriken Marco Rubio, ki t ap kòmanse yon vizit nan Mwayen Oryan an. Rubio apiye objektif lagè Izrayèl la nan Gaza epi li deklare Hamas “dwe elimine.”
Sa mete plis dout sou yon trèv ki deja frajil, paske dezyèm faz negosyasyon yo poko kòmanse. Rubio pral vizite kèk gwo aktè rejyonal, tankou Arabi Saoudit ak Emira Arab Ini.