Otorite yo lanse avètisman pou Sent Lusi kote Tanpèt Twopikal Bret ap pwoche nan moman li prèske gen menm fòs ak yon ouragan.
Move tan an sitye ak yon distans 273 kilomèt a lès Barbad Jedi maten e li tap deplase ak yon vitès 24 kilomèt alè.
Tanpet la pote avè l van kap soufle ak yon vitès 112 kilomèt alè, ki se yon ti kras mwens ke 119 kilomèt alè ki ta klase li tankou yon ouragan Kategori 1.
Ayeropo, biznis, lekòl ak biwo fèmen nan Sent Lusi ak La Dominik, nan moman meteyowolojis yo lanse avètisman pou di pral gen gwo lapli, inodasyon ak eboulman.
Yon avètisman tanpèt twopikal ann aplikasyon pou La Dominik, Sent Lusi ak Matinik kounyea.
