Steve Jobs, fondatè e lidè konpayi Apple --ki te devlope gadjèt elektwonik ki transfòme fonksyonnman mond mizikal la, itilizasyon telefòn mobil ak endistri òdinatè a-- mouri mèkredi 5 oktòb 2011 la; li te genyen 56 zan.
Konpayi Apple, ki pale de lanmò sa a byen ta nan jounen mèkredi a, fè konnen li pèdi yon vizyonè ak yon jeni kreyatè; e lemond, bò kote pa l, pèdu sa kopayi an rele “yon kretyen vivan ektwodinè ki tap etone lemond.”
Steve Jobs t ap soufri ak yon tip kansè nan pankreyas depi ane 2003; an 2009 li te sibi yon operasoyon kote doktè te fè yon enplantasyon fwa pou li. Li te bay demisyon n kòm PDG (prezidan, direktè jeneral konpayi Apple) nan mwa dout pase a, paske --daprè sa li te di-- li pat an mezi pou l kontinye fè travay li kòmsadwa an tan ke pi gwo dirijan konpayi elektwonik la.
Lafanmi Jobs fè parèt yon deklarasyon kote li di Steve Jobs rann dènye soupi pi nan lapè nan dat mèkredi 5 oktòb 2011 la; li te gen alantou li manm fanmi li lè li mouri lakay li, nan vil Palo Alto, nan eta Kalifòni.
Lanmò Steve Jobs la pwovoke reyaksyon ki sòti tou patou imedyatman aprè laprès te anonse nouvèl la. An bref, se tout kote nan lemond fanatik, e menm lidè divès peyi, prese voye kondoleyans yo bay la fanmi Jobs la ak konpayi Apple.
Prezidan Lèzetazini an, Barack Obama, di : “Steve Jobs te reprezante lespri kreyatè pèp ameriken an; e li se youn nan pi gwo envantè Lèzetazini janm pwodui”
Tim Cook –espesyalis konpayi Apple te nonmen sa pa gen lontan pou ranplase Misye Jobs la pale pou l di : "Lespi Steve pral toujou reprezante fondasyon konpayi Apple".