Otorite Ikrenyen yo di yo pè pou yon pakèt sivil pa mouri ou blese apre yon atak ak misil Ris ki vize yon sant acha ki te chaje ak moun nan vil Kremenchuk.
Prezidan Ikrenyen an Volodymyr Zelenskyy deklare nan yon mesaj li pibliye sou Telegram Lendi, kantite viktim yo "inimajinab" e li site rapò ki di kòm kwa ta gen plis pase 1,000 sivil andedan sant la nan moman atak la fèt.
Zelensky souliyen sib la pat prezante "okenn menas pou lame Ris la" e ke li pa gen "okenn valè estratejik."
Omwens 11 moun mouri e plis pase 40 lòt blese, dapre gouvènè rejyonal la, Dmyrtro Lunin, ki di sekouris yo kontinye ap chache nan mitan debri kap boule a pou wè si yo ka jwenn lòt viktim.
