Prens William d'Anglete salye moun zile Great Abaco nan Bahamas pandan yon vizit nan yon lye kote yo fe fritay pwason, Samdi 26 Mas, 2022.
Prens William: Pèp la va Chwazi Lyen yo Vle Genyen ak Commonwealth la
NASSAU, BAHAMAS —
Prens William d'Angletè deklare li pral apiye e respekte kèlkeswa desizyon pèp la pran, nan moman peyi nan Karayib la ap fè deba sou relasyon yo ak monarchi Britanik la.
Prens William fè komantè sa a apre yon vire won 8 jou li sot fè ak madanm ni nan Beliz, La Jamayik ak Bahamas. Koup wayal la retounen lakay yo Samdi.
Prens William d'Anglete ak madanm ni Catherine, Diches Cambridge la koze ak timoun pandan yon vizit nan zile Great Abaco nan Bahamas, 26 Mas 2022.
Gen moun ki te chante lwanj Willliam ak Kate tandiske lòt te kritike yo dèske yo "pa tande byen nan zòrèy yo" paske yap pwopaje imaj epòk kolonyal Britanik la.
Premye Minis Jamayiken an Andrew Holness di koup wayal la peyi li gen entansyon tounen yon repiblik epi wete rèn nan kòm chèf deta.
Prens William ak madanm ni Catherine salye Bahameyen yo anvan yo monte nan avyon wayal ofisyel la pou tounen ann Anglete apre yon vire won 8 jou nan Karayib la., 26 Mas, 2022.
