Prens Harry d'Angletè ak madanm ni, ansyen aktris Amerikèn Meghan defile sou tapip wouj la nan Mize Lanmè Intrepid, Er ak Espas la nan Nouyok. Koup la sispann tout responsabilite wayal yo nan komansman ane 2020 an e y'ap viv kounyea nan eta Kalifoni ak 2 timoun yo.
Vedet rock Ameriken Jon Bon Jovi te rejwenn koup la sou tapi wouj la pou rann omaj a veteran yo, ak fanmi militè yo nan sware djak sou djak ki gen kom tèm Salute to Freedom - Yon Omaj a Libète.
Prens Harry te prezante pri Valè Intrepid la bay 5 militè, veteran ak fanmi militè. Bon Jovi limenm resevwa Pri a Vi Intrepid la pou Bèl Bagay li akonpli.
Gala a dewoule lavèy fèt Veteran yo Ozetazuni, yon fèt nasyonal ki rann omaj ak sèvis epi sakrifis militè Ameriken ki fè pati tout jenerasyon.
"Nou remesye yo pou gran peyi sa a yon peyi san parey. Mwen pa kwe yo resevwa respe ak lanmou yo merite apre yo riske lavi yo pou pemet nou viv byen nan pi gran peyi ki egziste sou late e ki chaje ak opotunite pou tout moun," milyade Robert Kraft pwopriyete ekip futbol zepol kare New England Patriots la deklare.
"Setenman Prens Harry jenere anpil entere akoz sa li fe. Li se yon prens ki sevi peyi l, li fe sevis milite e li fe yon paket bagay pou ede veteran ki blese yo, moun ki sevi peyi yo. Donk mwen kwe se yon bel bagay," Mike Massimino, yon ansyen astronot La NASA deklare.
Nan mwad Mas 2020 Bon Jovi, Harry ak yon kè militè te pibliye yon tub ki rele UNBROKEN pou soulve atansyon moun sou maladi Strès ki konn frape moun apre yo viv yon evenman twomatik.
Tout lajan benefis yo fè sou lavant chante sa a, ke Bon Jovi konpoze pral jwenn fondasyon ki apiye Jeu Invictus yo, yon evenman spotif ki fèt espesyalman pou veteran ki malad oubyen blese yo. Se youn nan koz charite Harry pi renmen yo.
Tou le 2 paran Bon Jovi yo se manm Ko Merin Ameriken, tandiske Harry limenm te sèvi nan lame Britanik la.
Facebook Forum