Peyi manm Inyon Ewopeyen an pa resi rezoud mezantant anmè ki egziste ant yo sou kestyon pri gaz natirèl la nan moman yap goumen pou pwoteje 450 milyon sitwayen kont gwo ogmantasyon nan pri enèji a pandan sezon fredi a.
Yon rakont dijans minis enèji yo Jedi montre sèlman kijan kriz enèjetik la, i lye ak lage Larisi ap mennen nan Ikrèn nan, divize 27 peyi manm blòk la kèk fason ki sanble yo prèske paka rezoud.
Minis yo patka antann yo sou kilè ni kijan yo ta dwe mete an plas yon limit sou pri gaz la.
Peyi tankou La Grès, Espay, Bèljik ak La Frans mande pri gaz ki pi ba pou ede sitwayen yo jere finans yo.
Almay, Peyi Ba ak lòt yo ensiste pou di pwovizsyon gaz la nan danje si yo mete limit sou pri a epitou sa anpeche peyi Inyon Ewòp yo achte gaz ki pi chè pase limit yo fikse a.
