O Pewou, responsab elektoral yo fè konnen kandida nasyonalis zèl goch, Ollanta Humala, ranpòte premye tou eleksyon prezidansyèl yo.
Komisyon elektoral la presize Misye Humala, ki se yon ansyen sòlda, ranpòte 27% vwa yo nan vòt ki dewoule dimanch 10 avril 2011 la.
Pandansetan advèsèl li yo Keiko Fujimori, pitit-fi ansyen Prezidan Alberto Fujimori ki nan prison, ak Pedro Pablo Kuczynski, yon ekonomis ki te travay nan Bank Mondyal, twouve yo nan yon kous sere pou 2èm plas la.
Okenn kandida pa ranpòte yon majorite senp . Ki donk, 2 kandida ki gen plis vwa yo pral patisipe nan yon 2èm tou ki fikse pou 5 jen pwochen .