Ansyen Prezidan Etazuni Barack Obama al vizite delegasyon Ameriken ki nan vil Glasgow nan peyi Ekos kote rankont o somè Nasyonzini COP26 la ap dewoule.
Obama te poze pou kèk foto ak anvwaye Ameriken pou Chanjman Klimatik John Kerry.
Jodi Madi a, li rankontre anplwaye Depatman d'Eta yo pou remèsye yo pou travay yo.
Pi bonè nan semèn nan, Obama te pwononse yon diskou e li te gen yon mo an patikilye pou jenès la.
"Sa ki pi enterese'm pwobableman se gen yon chans rankontre militan yo, jen militan kap travay toupatou. Paske se konsa mwen te komanse, se sa ki rasin mwen e se nan sa mwen kwe - se sa ki baz jefo a," Obama deklare.
Prezidan Obama konseye jenes la pou'l pa dekouraje.
"Lem pale ak jenes la - pitit fi'm ladann tou - gen de le yo konn frustre e konkluzyon yo tire a se eben nou pap antre nan politik ni eseye travay ak politisyen," ansyen prezidan an di jen jan yo. "Mwen reponn yo ke nou paka fe sa. Paske esansyelman menm si ou ta renmen pou kapitalis entenasyonal yo konprann sa wap di a, menm si ou ta renmen pou ONG yo pase a l'aksyon verite a se ke peyi yo tabli reg jwet la - sou kijan ekonomi yo fonksyone- ak ki politik yo pral pousuiv nan domen eneji a donk fok ou ka kontwole branch pouvwa sa yo pou atenn objektif nou vle atenn nan."
Saleemul Huq, yon ekspe sou syans klimatik ki se an menm tan direkte Sant Entenasyonal pou Chanjman Klimatik ak Devlopman peyi Bangladesh, di jiskaprezan pwomes ki fet yo pa fyab.
"Nou we yon seri pwomes ki fet. Anpil nan lide yo pasyone, yo repete pwomes yo te fe anvan men ki pa janm reyaliz," Misye Huq deklare. "Donk yap tou senpleman repte ansyen pwomes yo. Petet gen kek bagay nouvo. Nap gade pou we. Se detay yo ki enpotan -- ou konprann mwen. Pwomes byen sonnen, men le ou ale an pwofonde ou reyalize pa gen okenn sibstans.
Lè li te prezidan, Obama te entwodui plizyè pwogram ki ede Etazini fè pwogrè nan direksyon itilizasyon enèji renouvlab yo epi ekate'l ak sous enèji ak baz chabon yo. Men Prezidan Donald Trump te anile pi fo pwogrè sa a.
Nan diskou li nan Glasgow, Obama di jenès la ke mach yo oganize yo ak manifestasyon yo kle pou fose gouvènman yo pase a l'aksyon pou kontrekare chanjman klimatik.
Enfomasyon pou repotaj sa a soti nan Associated Press