Daprè otorite lokal yo, ensidan an te fèt nan lekòl Saint Louis de Bourdon e pami blese yo genyen yon etidyan, paran yon etidyan ak yon ajan sekirite ki tap sekirize enstitisyon an.
Malgre ke detay evènman an pa finn klè, temwen yo di se gang kriminèl ki responsab pou zak sa a e yo di bandi yo te gen entansyon kidnape yon moun ki te nan lakou lekol la.
Apre evènman an, Polis Nasyonal Ayisyen an, PNH fè konnen yap envestige fè yo pou kounyea. PNH fè konnen youn nan viktim yo te pran yon bal nan janm dwat li.
Ayiti ap travèse yon gwo kriz sosyo-ekonomik, ki vin pi entansifye apre asasina Prezidan Jovenel Moïse la, anplis, gang ame yo vin pi konfòtab sou teritwa a.
