Otorite Franse yo di yon bandi ak zam vize yon sant kiltirèl Kurd ak kout zam. Sant la sitye nan yon katye vil Paris kote gen anpil aktivite. 3 moun mouri e 3 lòt blese.
Lapolis arete yon sispèk ki gen 69 an. Dapre nouvel la moun sa a te blese tou.
Biwo komisè gouvènman Paris a louvri yon ankèt sou fiziyad la ke li konsidere tankou yon tantativ asasina. Komisè a di sispèk la te gen yon dosye polisye anvan ensidan sa a kote yo te arete'l apre li te atake migran ki tap viv nan tant.
Anketè yo ap gade pou wè si atak la te fèt pou rezon rasis.
Responsab yo di fiziyad la fèt nan zon midi nan yon sant kiltirèl Kurd ak yon restoran ak salon bote tou pre li.
