Andrés Ramírez, chèf Komisyon Meksiken sou Èd pou Refijye yo, rapòte ke depi 16 novanm, 45 mil ayisyen ki aplike pou estati refijye a te enskri. M. Ramirez deklare:
“Nou konnen byen ke sitiyasyon an Ayiti se yon sitiyasyon tèrib. Se yon peyi san palman k ap fè fas ak yon sitiyasyon kote yon tranblemanntè fèk pase, ak asasinay prezidan an. An reyalite, voye ayisyen yo tounen an Ayiti oubyen depòte yo nan yon lòt peyi, se pratikman yon krim, e nou 100 pou 100 kont yon bagay konsa."
Andrés Ramirez fè konnen yon reyinyon ke Sous-Sekretè Afè Dwa Moun nan, Alejandro Encinas, ak Komisyonè Nasyonzini pou Refijye (UNHCR) yo, Filippo Grandi, te dirije lendi pase a, te reyini plizyè ofisyèl Ministè Enteryè a. Nan fen reyinyon sa a, gouvènman Meksiken te deside ofri yon altènatif pou imigran ayisyen yo, swa yon chans pou yo regilarize sejou yo nan Meksik.
