PARIS —
Prezidan Franse a, Emmanuel Macron oganize premye gwo miting politik li Samdi nan kous pou'l re-eli prezidan La Frans. Prezidan an pwomèt plis "pwogrè" ak "solidarite" pandan 5 ane kap vini yo.
Sepandan kanpay li ap fè fas ak yon defi ke moun bay non "Zafè McKinsey a".
Li pote non yon konpayi konsiltasyon Ameriken ke gouvènman an anplwaye pou ba li konsèy sou kanpay vaksinasyon ak politik COVID-19 li yo.
Sena Franse a mande poukisa gouvènman Macron an tèlman konte sou konsiltan prive e li akize McKinsey dèske li eskive enpo li ta dwe peye.
Kesyon sa a chofe rival Macron yo, ki kritike misye byen kritike pandan kanpay yo.
Sondaj opinyon yo endike Macron toujou devan bann nan nan kous prezidansyèl la. Eleksyon an fikse pou 10 Avril.
