Brussels —
Sekretè-Jeneral LOTAN an, Jens Stoltenberg pral rete nan pòs li pou yon lòt ane pou ede jere òganizasyon militè a ki gen 30 peyi-manm pandan yon kriz sekirite lagè La Risi ap mennen kont Ikrèn nan deklanche.
Stoltenberg pibliye yon mesaj sou Twitter Jedi kote li di li "onore" pa desizyon lidè LOTAN yo pran pou yo pwolonje manda li pou jis 30 Septanm 2023.
Ansyen premye minis Nòvèj la te monte nan pòs sivil pi wo plase LOTAN an ann Oktòb 2014.
Se dezyèm fwa manda li pwoloje. Manda misye te sipoze ekspire nan mwad Septanm nan. Li te sipoze pran pòs direktè bank santral Nòvèj la, anvan anonse Jedi a.
