Prezidan Ris la, Vladimir Putin, fè yon diskou devan yon foul moun ki t ap patisipe nan parad 9 Me a, kote li deklare ke lame ris la ap goumen nan Ikrèn pou li defann "la patri" an fas "menas inakseptab" ke peyi vwazen ak Loksidan poze. Putin fè deklarasyon sila devan plizyè milye sòlda ki t ap patisipe nan parad la. Putin ajoute:
"M ap pale ak fòs lame nou yo pou m di: N ap goumen pou peyi nou, pou avni nou."
Pi lwen nan diskou a, Putin ensiste pou l di tout moun dwe fè tout sa ki posib pou yo evite "yon lòt gè mondyal." Apre diskou sa a, lame ris la defile sou Plas Wouj la devan lidè yo nan kad parad militè tradisyonèl 9 me a ki make Jou Viktwa Sovyetik yo te ranpòte sou Nazi yo an 1945.
