Washington —
Prezidan Joe Biden nomen Karine Jean-Pierre (yon Ayisyèn-Amerikèn) kom pwochen Sekretè de Près Lamezonblanch la. Li va ranplase Jen Psaki ki pral kite pos li semèn pwochèn.
Biden ap mennen tounen nan Lamezonblanch tou stratèj Demokrat Anita Dunn kom konseye wo plase. Li te travay nan Lamezonblanch pandan plizyè mwa ane pase a apre Biden te prete sèman kom prezidan.
Biden di Jean-Pierre "non sèlman pote eksperyans, talan ak entegrite ki nesesè pou fè djob difisil sa a, men tou li pral dirije fason nou kominike travay administrasyon Biden-Harris la ap fè."
Jean-Pierre ap travay nan pos prensipal sekretè de près adjwen Biden nan depi envestiti li.
