Kantite migran kap chache travèse fwontyè Etazini pataje ak Meksik la ogmante anpil pandan semèn ki pase yo, nan moman Etazini ap fè preparasyon pou plis migran toujou apre li leve lwa li te mete ann aplikasyon pandan pandemi a pou anpeche moun mande azil.
Otorite imigrasyon yo arete 221,303 migran sou frontyè Sidwès Etazini nan mwad Mas la. Sa reprezante yon ogmantasyon 34% konpare ak mwad Fevriye a - e se chif pi wo yo anrejistre depi prèske 2 zan.
Sèvis La Dwann ak Pwoteksyon Frontyè a remèt done sa yo bay yon tribinal federal nan eta Texas.
Moun atann yo aske Gad Frontyè a pibliye done migrasyon yo anvan lontan, e anvan ekspirasyon Tit 42, yon lwa sante piblik ki te pèmèt otorite Ameriken yo repouse pi fo migran yo, pami yo moun ki tap mande azil Ozetazini.
