Plizyè Santèn moun kap viv sou kòt Atlantik peyi Kanada rete san elektrisite nan moman otorite yo ap eseye fè konsta devastasyon Siklòn Fiona koze.
Siklòn nan, ki vinn pèdi fòs kounyea pote ale kay, rache twa epi mete plizyè pwovens ki sitye sou kòt Atlantik peyi a nan blakawout.
Apre li fin frape rejyon nò Karayib la, Fiyona te monte sou tè Samdi epi devaste Nouvèl Ekòs, Zile Prens Edouard, Newfoundland epi Qebec ak gwo van, gwo lapli epi gwo vag.
Minis Defans Kanadyèn Anita Anand di twoup yo pral ede wetire pye bwa ki tonbe epi retabli lyen transpòtasyon yo epi fè tout sa ki nesesè osi lontan ke yo bezwen yo.
Fiona koze omwens 5 lanmò nan Karayib la men Kanada pa konfime oken viktim ni blese lakay li.
