Angletè bat rekò li pou tanperati pi cho yo janm anrejistre gras ak yon vag chalè ki anvayi plizyè peyi Ewopeyen.
Sant meteyo nasyonal la predi ap gen plis chalè toujou nan yon peyi ki pa pare pou tanperati ekstrèm sa yo.
Tipikman Angletè se pa yon peyi kote konn fè gwo chalè, e sechrès la mete ak chalè a koze dife nan peyi ki sitye ant Pòtigal ak peyi Balt yo epi koze plizyè santèn ka lanmò.
Imaj flam kap vanse nan direksyon yon plaj nan peyi La Frans, ak Britanik kap swe anba gwo chalè, soulve plis kè sote pa rapò ak chanjman klimatik.
Biwo meteyo Angle a di li anrejistre yon tanperati pwovizwa 40.3 degre nan Coningsby, ki sitye nan lès peyi a.