DUBAI, EMIRA ARAB INI —
Fiyanse kritik gouvènman Saoudyen an Jamal Khashoggi ki mouri asasinen, ajoute vwa'l sou lis moun ki lanse apèl bay vedèt pòp Justin Bieber pou'l anile konsè li anvizaje bay nan Arabi Saoudit mwa pwochen an.
Nan yon lèt ouvè ke jounal Washington Post pibliye, li mande mega-vedèt Kanadyen an pou'l anile spektak 5 Desanm li sipoze prezante pandan kous Fòmil 1 Arabi Saoudit la epi "voye yon mesaj pwisan bay mond lan ke ou pap sèvi ak non'w epi talan ou pou retabli yon rejim ki touye kritik li yo."
Se pa premye fwa yon vedèt pòp fè fas ak presyon pou'l anile yon konsè li prevwa bay ann Arabi Saoudit.
