Nan moman varyan omicron COVID-19 la gaye toupatou Ozetazini, responsab federal la sante Ameriken yo ap chache mwayen pou ajoute tès negativ sou restriksyon 5 jou izolman pou Ameriken ki trape kowonanviris la men ki pa gen okenn sentom.
Doktè Anthony Fauci, konseye pi wo plase Lamezonblanch pou kestyon ki gen rapo ak la sante anonse nouvel la Dimanch.
Doktè Fauci di nan entèvyou li bay nan televizyon ke Sant pou Kòntwòl ak Prevansyon Maladi a ap reflechi pou wè si'l ta dwe ajoute yon tès negativ nan konsèy li pou moun ki trape kowonaviris la.
CDC deja ap fè fas ak yon pakèt kritik poutèt nouvo rekòmandasyon li yo ke li pibliye semèn pase a ki moun ka izole tèt yo pandan 5 jou olye 10 jou si yo gen kowonaviris la.
Faudi di CDC a ap gade kounyea pou wè si'l ta ajoute opsyon tès la, e li ka anonse nouvèl la nan jou kap vinn la yo.
