QUITO —
Daniel Noboa resi fè sa papa l pat resi fè apre 5 tantativ: elu prezidan Ekwatè.
Noboa ranpòte la viktwa Dimanch apre premye tantativ li. Misye ranpòte dezyèm tou eleksyon prezidansyèl espesyal la kote li te gen an fas li yon avoka gochis.
Noboa gen 35 an, e li se yon boujwa ki te etidye Etazini, epi travay kòm antreprenè anvan li te tante chans li nan domèn politik la.
Kounyea fòk misye reponn demann inivèsèl elektè yo fè pou sekirite peyi Ekwatè apre yon ogmantasyon moun poko janm konstate anvan nan zak vyolans ki gen rapò ak trafik dwòg.
Defi a pap fasil pou Noboa leve paske manda li pral dire sèlman 18 mwa.
