Wa Charles III kouwonen nan yon seremoni tradisyonèl djak sou djak ki te dewoule nan legliz Westiminster Abbey nan vil Lond. Kouwonman an dewoule nan moman kote sosyete Britanik la ap poze kestyon pou konnen eske monarchi a okipe menm plas li te konn okipe nan tan lontan.
Kouwonman an te gen ladann demonstrasyon pouvwa fanmi wayal la, yon bagay ki date de Mwayèn Aj la kote yo te prezante Charles ak yon òrb, yon epe ak yon sèpt. Apre sa yo te mete kouwòn lò Sen Edouard la ki chaje ak bijou sou tèt li epi mete l chita nan yon chèz ki fèt ak bwa chèn e ki gen 700 an.
Andedan abe medyeval la twonpèt te sonnen epi yon kongregasyon plis pase 2,000 moun te rele "Bondye Sove Wa a!"
Deyo menm, plizyè milye woup ak plizyè santèn milye spektatè ak manifestan te rasanble.
