Chanpyòn Olenpik Mikaela Shiffrin, ki ranpòte meday 2 fwa nan Jezolenpik yo nan domèn ski, teste pozitiv pou COVID-19, mwenske 6 semèn anvan Jezolenpik Peken yo.
Shiffrin fè konnen sou rezo sosyal "Mwen santi'm byen, men malerezman mwen teste pozitiv pou COVID."
Amerikèn nan ajoute ke lap "suiv pwotokòl yo e li an karatèn". Shriffin di li pral rate Koup Mondyal Gran Chelèm nan ak kous chelèm ki fikse pou Madi ak Mèkredi nan peyi l'Otrich.
Gen lòt skiyè elit ki rate kous resaman tou akoz yo te teste positiv pou COVID la. Pami gen chanpyòn Lara Gut-Behrami, chanpyòn mondyal Otrichyèn Katharina Liensberger epi Neyo Zelandèz Alice Robinson.
Jezolenpik ivè Peken yo ap kòmanse 4 Fevriye 2022. Ayiti gen 2 skiyè kap reprezante'l nan je yo nan domèn ski: Richardson Viano ak Mackenson Florino.
