Prezidan Brezilyen Luiz Inacio Lula da Silva siyen yon dekrè ki rann pi sere restriksyon sou aksè sivil yo ak zam nan peyi Brezil.
Mezi sa a vize ranvèse politik pwo-zam predesese zèl dwat li a, Jair Bolsonaro.
Dekrè a, ke Lula siyen Vandredi, redui kantite zam sivil gen dwa posede pou pwoteje sekirite pèsonèl yo de 4 a 2. Li redi tou, kantite minisyon moun gen dwa achte pou chak zam de 200 a 50 epi egzije dokimantasyon pou pwove poukisa moun nan dwe gen zam lakay li.
Nouvo restriksyon yo entedi tou, sivil posede pistolè 9 milimèt. Kounyea se lapolis ak manm lame peyi a sèlman ki gen dwa posede tip zam sa a.
