Neymar make yon gòl nan premye match li depi li te blese cheviy dwat li pou ede seleksyon nasyonal Brezil la kale Kore di Sid 4-1 pou avanse nan ka de final yo.
Neymar konvèti yon chout penalite an gòl - 76em li pou Brezil - ki mete l ak yon diferans yon gòl sèlman ak Pele pou ekip nasyonal la.
Pele, ki gen 82 zan, te di li tapral suiv match la nan televizyon nan lopital kote lap resevwa tretman pou yon enfeksyon respiratwa.
Vinicius Junior, Richarlison ak Lucas Paqueta make gòl pou Brezil tou nan premye mitan an.
Kounyea Selecao la avanse nan ka de final yo. Se 8èm fwa li avanse nan ka de final yo nan Mondyal Foutbòl la.
Kore di Sid tap eseye avanse nan ka de final yo pou premye fwa depi 2002 le li te rive nan semifinal yo epi fini 4èm.
Paik Seung-ho make sèl gòl Kore di Sid la nan 76èm minit la.
