Bouyon boul nan okazyon 2èm jounen Lig Chanpyon ewopeyen an k ap dewoule madi 28 septanm 2010 la ( Gwoup E, F, G, H) ak mèkredi 29 septanm ( Gwoup A, B, C, D).
Bayern de Munik kont FC Bale nan gwoup E la ; Tchelsi kont Marsèy nan gwoup Fla ; 2 bèl afich nan gwoup G a : Real Madrid avèk pakèt vedèt li yo ap jwe an deplasman lakay Osèr nan peyi Lafrans.
Antrenè Real la , pòtugò José Mourinho pwomèt ke madrilèn yo pral ofri yon bon spetak e li bay piblik fransè a garanti l ap aliyen Karim Benzema.
Lòt match enpòtan nan G sa a Ajax Armsterdam kont Milan AC ; e nan Gwoup H la , Partizan Bèlgrad kont Arsenal.
Yon lòt kote , Klub alman Bayern de Munik pwolonje kontra antrenè Louis van Gaal pou yon lane an plis ---sa ki fè ke kontra sa a ap fini le 30 jen 2012.
Antrenè olandè sa a ki gen 59 van ap dirije ekip la depi ane pase kote l te bay bon rezulta : li ede ekip la ranpòte Boundechliga a ak Koup Dalmay la .
Li te ede ekip la rive nan final Lig Chanpyon ewopeyen an kote te l pèdi 2 0 devan Inter de Milan. Konnye a Bayern ap penyen lage nan Boudechliga a .
Li okipe 9èm plas nan klasman an ak 8 pwen pou 6 match. Samdi ki sot pase laa ekip la te anrejistre yon defèt 1-2 devan Mainz. Malgre move depa sa a prezidan klub la, Karl-Heinz Rummenigge deklare Van Gaal ap fè yon bon travay nan tète kip la.