Chèf sivil Misyon Nasyonzini pou Estabilizasyon Ayiti (MINUSTAH) Edmond Mullet fè konnen kominote entènasyonal la pap aksepte pou Prezidan René Préval kite pouvwa a avan 7 Fevriye.
Diplomat la reayaji apre kèk sektè politik ap mande anilasyon eleksyon 28 novanm yo ak depa Prezidan Préval ki dapre anpil sektè nan vi nasyonal la te genyen iregularite , koken ak zak vyolans.
Diplomat gwatemaltèk la ki reprezante Sekretè Jeneral l’ONU an ann Ayiti la di ankò fòk ayisyen yo aprann respekte manda yon prezidan e sispann zafè kou deta nan peyi a .
E mesye Mullet rapousuiv pou di Nasyonzini ak kominote entènasyonal la ap leve kite Ayiti e koupe tout asistans ekonomik si tout prensip yo pa respekte tankou vòt popilè, manda prezidansyèl e latriye.
Pou nou konprann pi byen pozisyon responsab MINUSTAH a Jacquelin Belizaire pale ak jounalis e analis politik Daly Valet .
Klike sou ikon ki anwo e adwat atik la pou w tande entèvyou Jacquelin Bélizaire ak Daly Valet.
