Ansyen Prezidan Meksiken Luis Echeverria, ke yo blame pou asasina politik pi terib peyi Meksik mouri a laj 100 an.
Prezidan aktyèl peyi a, Andres Manuel Lopez Obrador konfime lanmò a Samdi. Sou kont Twitter li, Lopez Obrador pa bay koz lanmò Echeverria, ki te dirije peyi a ant 1970 ak 1976.
Yon pwokirè espesyal te akize'l kòm kwa li te jwe wòl kle nan 2 masak etidyan manifestan anvan ak apre administrasyon li an.
Sepandan jij yo te deside twòp tan te pase ant evenman sa yo e li pat janm pase okenn tan nan prizon.
Youn nan masak sa yo te sèvi kòm tèm film ki rele "Roma a" ki te ranpòte yon pri Oscar.
