Peyi Angletè ranfòse restriksyon COVID-19 li yo ki mande moun mete mask epi sibi tès pou kowonaviris la si yap antre lakay li soti nan peyi etranje. Grand Bretay pran mezi sa yo apre li dekouvri 2 nouvo ka varyan Omicron an lakay li, ke moun ka trape fasil e ki bay gouvènman toupatou nan mond lan gwo kè sote.
Devlopman sa a vini nan moman kote yon pakèt peyi preyokipe ak pandemi a epi restriksyon ki an plas pou anpeche'l pwopaje. Yo pè pou kowonaviris la pa layite kò'l lakay yo e dre pi lontan pase sa yo te espere. Yo pè tou ke vaksen yo pa ofri pwoteksyon kont varyan sa a.
Premye Minis Boris Johnson deklare Samdi li nesesè pou pran mezi "prekosyon ki presi" apre 2 on teste pozitif pou nouvo varyan an ann Angletè.
Premye minis la di yo pral revize ka sa yo nan 3 semèn lè savan yo va gen plis enfòmasyon sou varyan Omicron an.
