Dapre Sen syèj la a, pap la, ki gen 88 lane, te itilize mask oksijèn pandan lannwit la pou twazyèm fwa.
Souvren Pontif la te entène lopital Gemelli nan Wòm jou 14 fevriye a ak difikilte pou l respire, men kounye a li ap goumen ak nemoni nan toude poumon li yo.
Franswa pa t ka patisipe nan selebrasyon ofisyèl Mèkredi lèsann nan Wòm, ki make kòmansman Karèm nan, sepandan li te bay yon benediksyon nan chanm prive ki rezève pou pap yo nan 10 zyèm etaj lopital Gemelli a.
Kretyen atravè mond la ki t ap selebre Mèkredi lèsann te priye pou gerizon li, san bliye sila yo ki nan peyi li, Ajantin.
Franswa, lidè prèske 1.4 milya katolik nan mond la, pa parèt an piblik depi li te entène lopital, epi Vatikan poko pibliye okenn foto li, malgre li te pibliye plizyè tèks.
