Apre responsab yo fin konte bilten, diferans ant 2 kandida ki devan yo nan vòt sa-a ki se yon kous ant 16 kandida, vin redui, sa ki kreye yon sipriz.
Lè li te vè 11 è nan aswè nan lè lokal, sou 72 pousan bilten ki deja konte, Noboa pran 44,66 pousan jodia, kont 43,91 pousan pou prensipal rival li, Madam Gonzalez.
« Se yon gwo viktwa, nou genyen … nou prèske pat pou pat », se pawòl Luisa Gonzalez, yon avoka 47 lane e ki sanble eritye ansyen prezidan sosyalis Rafael Correa, kite sou pouvwa ant 2007 ak 2017, ki t-ap pale ak sipòtè li yo ki te chofe amò nan kapital la Kito.
« Si tandans sila kontinye … nou pwal retounen vote ankò 13 Avril » pou yon 2èm tou, se pawòl Diana Atamaint, ki se prezidan Konsèy Elektoral Nasyonal la, ki gen ti non an panyòl CNE.
Jounen an « te dewoule tankou nenpòt jou nòmal nèt », ak 83,38 elektè ki vote, sou 14 milyon sitwayen Ekwatè ki te vote, dapre sa responsa la te di anvan sa.
