Administrasyon Avyasyon Federal (FAA), di l ap mennen ankèt pou konnen kòman kolisyon sa fè rive.
Poko gen okenn detay sou viktim yo, men tout dekolaj ak aterisaj avyon k ap soti nan ayewopò toupre Washington yo sispann.
Bato sekou gonflab yo te monte dlo nan "Potomac River” a ki toupre ayewopò a sou George Washington Parkway a pou chèche sivivan.
FAA presize, kolizyon an te fèt vè 9 vè aswè a (Mèkredi 29 Janvye 2025) lè avyon American Airlines sa a ki te soti Wichita (Kansas) t al kwaze ak yon elikoptè militè (Sikorsky H) pandan li t ap apwoche pis ayewopò a .
Prezidan Donald Trump nan deklarasyon li fè apre aksidan an di " ke Bondye beni yo," e li ajoute " mwen konplètman enfòme sou aksidan terib sa a" ki fèt nan Washington nan .
Prezidan an kontinye pou l di "Mèsi pou travay enkwayab sèvis ijans yo. Mwen ap kontwole sitiyasyon an," . Se sa prezidan ekri sou rezo sosyal yo .
