Sen Syèj la deklare, "Maten an, akòz Pap la tonbe nan rezidans li, Sainte-Marthe", Pap Franswa te pran yon chòk nan avanbra dwat li; zo a pa kase".
Pou fini, Vatikan fè konnen "yo te imobilize ponyèt dwat pap la pa mezi prekosyon".
Pap ajanten an te resevwa jedi sa a yon delegasyon relijye albanè ak lòt relijye ki soti nan peyi Ajantin.
Lepap, ki gen 88 an, fès fas ak plizyè pwoblèm sante tankou pwoblèm nan ranch, doulè jenou, ak enfeksyon respiratwa.
Malgre Souvren Pontif la pa viv sante depi kèk ane, sa pa anpeche l kontinye travay anpil nan Vatikan.
Chèf Legliz Katolik la ap itilize yon chèz woulant depi 2022 akòz doulè nan jenou, e li oblije ilize yon baton lè li kanpe.
Nan dènye mwa sa yo, nan plizyè okazyon li te oblije bay lòt moun li diskou li yo, oswa menm anile patisipasyon l nan plizyè evènman pou rezon sante.
