PORT-AU-PRINCE, Ayiti (AP) — 19 sispèk ki te gen akizasyon ki tonbe sou do yo kòmkwa yo te patisipe nan asasina prezidan ayisyen Jovenel Moïse, nan mwa jiyè 2021, te rive nan yon espas prive nan kapital la (Pòtoprens) 13 janvye 2024 la, e avoka defans yo te gen espwa ke kliyan yo tap jwenn liberasyon yo.
Men yon jij te ranvwaye odyans yo yon lòt fwa ankò.
Sispèk yo gen pami yo 17 ansyen sòlda peyi Kolonbi, ansanm ak 2 ayisyen, anpalan de ansyen majistra vil Jakmèl Macky Kessa, ak Joseph Badio.
Yo te prezan nan odisyon an lendi.
Akoz pwoblèm ensekirite ki genyen nan kapital peyi dAyiti, odyans sila a te kòmanse nan yon rezidans prive, paskle vag vyolans gang yo te fòse otorite yo fèmen lokal Kou d Apèl anba lavil Pòtoprens.
Yon jij te parèt plizyè èdtan apre e li te bay lòd pou yo ranvwaye seyans la pou pita nan mwa sa a, san li pat bay okenn rezon pou sa.
