Lapolis di jodi 13 janvye a, Direksyson Santral Polis Jidisyè (DCPJ) arete Magalie Habitant, pou kòkòday li ak Gang.
Nan yon kominike sou rezo sosyal yo, sèvis kominikasyon PNH la fè konnen, "Magalie Habitant ak tout chofè l anba kòd pou asosyasyon malfèktè ak finansman Gang".
Pou kounya, ansyen dirèkris SMCRS la nan gadavi nan DCPJ, selon sa otorite yo fè konnen.
N ap fè sonje, ansyen depite Prophane Victor jwenn arestasyon l, ayè dimanch lan pou kòkòday li ak gang nan peyi a.
Lapolis Nasyonal Ayiti (PNH) pwofite renouvle angajman yo pou kontinye dechouke gang yo ak tout moun k ap sipòte yo
