2 jou apre zak kriminèl sa ki voye 5 jounalis al kouche sou kabann lopital, yon delegasyon primati a, vizite blese yo, ki ap pran swen nan yon lopital nan Pòtoprens.
Delegasyon an ki gen nan tèt li, Axène Joseph, ki se direktè kabinè premye minis lan Alix Didier Fils-Aimé, angaje l pou l pran an chaj tout depans medikal blese yo.
Chèf gouvènman an anonse li pran an chaj tou, tout frè pou chante antèman polisye ak jounalis ki tonbe anba bal bandi pandan atak sou lopital jeneral la.
Pi lwen, gouvènman an pwomèt l ap asire l fanmi viktim yo jwenn tout sipò sikoloji nesesè.
Pou fini, gouvènman an voye senpati l ak kondoleyans ak fanmi viktim yo, toutpandan l fè konnen fòs lòd yo resevwa lòd pou yo chache san kanpe moun ki responsab trajedi 24 desanm 2024 la.
