Plis pase 400,000 konprime fentanyl ak sis tòn pwodui chimik, ki itilize pou fabrike dwòg sa a ki lakoz plizyè milye ovèdoz nan peyi Etazini, te konfiske epi detwi, dapre Biwo Pwokirè Jeneral Meksik.
Konfiskasyon yo te fèt pandan plizyè operasyon nan eta Jalisco (nan lwès la), ki se yon bastyon pou gwo katèl Nueva Generación.
Nan kòmansman Desanm, gouvènman federal Meksik la te anonse yon sezi rekò ki te depase yon tòn konprime fentanyl, sa ki ekivalan ak 20,000 dòz. Washinton te rekonèt operasyon sa a.
Prezidan repibliken eli Donald Trump te konfime apre eleksyon li volonte li "enpoze yon tarif 25% sou TOUT pwodwi k ap sòti Meksik ak Kanada pou antre nan Etazini", depi jou envestiti li 20 janvye.
"Taks sa sa a ap rete an vigè jiskaske dwòg yo, espesyalman fentanyl, ak tout imigran ilegal yo sispann anvayi peyi nou an!", li te ajoute.
Fentanyl, ki te nan kòmansman yon analjezik apwouve pa administrasyon ameriken an, se yon dwòg sentetik ki 100 fwa pi pisan pase mòfin e 50 fwa pi pisan pase kokayin, selon ajans anti-dwòg ameriken DEA.
Itilizasyon ilegal li te lakoz plizyè dizèn milye moun mouri nan ovèdoz pandan dènye ane yo, dapre DEA.
Washinton deklare de pi gwo katèl Meksiken yo (Jalisco Nueva Generacion ak Sinaloa) ap fabrike epi vann fentanyl apati pwodui ki soti nan peyi Lachin.
