Rankont o Some APEC la tanmen nan vil Lima, kapital Pewou kote reprezantan 21 peyi nan rejyon Pasifik la reponn prezan pou Fowom Kowoperasyon Ekonomik Azi-Pasivik la.
Se premye rankont o some global ki dewoule depi viktwa elektoral Prezidan-eli Donald Trump la.
Rankont anyel la rasanble peyi ak manm ki reprezante ansanm preske 2 tye GDP global la epi mwatye komes mondyal la dapre sa oganizate yo di.
Pami chef d eta ki vwayaje Lima gen prezidan sortan Etazini Joe Biden, Prezidan Lachin Xi Jinping, Premye Minis Kanadyen Justin Trudeau, Prezidan Endonezi Prabowo Subianto, Premye Minis Japon Shigeru Ishiba, Prezidan Kore di Sid Yoon Suk Yeol ak Premyey Minis Ostrali Anthony Albanese.
Yon kestyon mond lan ap poze se kijan nouvo gouvenman Ameriken an pral chanje dinamik global yo.
Jodia, Biden te patisipe nan yon rankont enfomel ak lide APEC yo. Pi ta Vandredi, prezidan Ameriken an pral rankontre Prezidan Kore di Sid ak Premye Minis Japone a pou diskite sou patenarya Kore di No ap pousuiv ak Larisi epi paket ese misil balastik Pyongyang ap fe yo.
Samdi, Lamezonblanch di Biden va fe chita tande ak Prezidan Chinwa Xi Jinping.
Jake Sullivan se Konseye Sekirite Nasyonal Etazini:
"Yon pati nan sa Prezidan Biden pral kominike se fok nou mentni stabilite, transparans ak previzibilite pandan tranzisyon ant Etazini ak Lachin."
Sullivan di Biden pral souliyen tou nesesiste pou kenbe vwa kominikasyon yo ouve nan tout nivo.
Biden gen poul rankontre Prezidan Pewou Dina Boluarte tou Vandredi.
Apre some APEC Pewou a, Biden pral nan peyi Brezil pou asiste rankont G20 an.
