"Nou enfòme tout Bolivi ak kominote entènasyonal la nou boule jodi a 21,6 tòn kokayin ki te sezi", se sa minis entèryè a, Eduardo Del Castillo, te di sou paj Facebook li.
Se "pi gwo sezi nan istwa Bolivi a e youn nan pi enpòtan sezi dwòg nan rejyon an nan dènye ane yo nan yon sèl operasyon", li te fè konnen.
Dwòg la te detwi tou pre vil Oruro, nan lwès Bolivi. Nan dat 15 oktòb, otorite yo te sezi, nan depatman Oruro, sa yo te panse ki te yon chajman soya melanje ak dwòg. Sepandan, tès yo te montre se sèlman kokayin ki te ladann, selon sa yon sous ofisyèl ki pa t vle non l site, te presize ke ajans Nasyon Zini kont dwòg (ONUDC) te "sètifye" rezilta yo.
Kokennchenn pozesele sa a depase anpil lòt sezi ki te fèt an janvye, ki te 8,7 tòn kokaine. Nan moman sa a, M. Del Castillo te prezante l kòm yon sezi rekò pou peyi a.
Vis minis defans sosyal ak sibstans ki kontwole yo, Jaime Mamani, te di nan laprès madi a apre sezi 15 oktòb la, twa moun ki te gen rapò ak antrepriz ki t ap ekspòte soya ki te sispèk nan chajman an sila, te jwenn arestasyon yo. Dwòg la"te gen pou destinasyon" Almay, li te ajoute.
Bolivi se twazyèm pwodiktè kokayin apre Pewou ak Kolonbi, selon Nasyon Zini. Peyi a regilyèman plenyen paske li sèvi platfòm pou transpòte kokayin pewouvyen nan Brezil ak lòt peyi.
Dapre done otorite bolivyen yo, prèske 33 tòn kokayin te sezi nan peyi a an 2023.
