Pou sezon 2023/2024 la, Grenadyè a fè 17 gòl e fè 10 pas gòl nan 26 match li.
Yon gwo bout sezon li fè ak ekip Lyon an kote l te kondwi Fenottes yo nan final Lig chanpyon pou medam yo.
Bitez Ayisyèn nan te ranpòte plizyè fwa twofe pi bon jwez match.
Grasa pèfòmans li pandan sezon an, Melchie Dumornay te ranpòte twofe pi bon jèn jwez nan pi gwo konpetisyon foutbòl an Ewòp la: Lig chanpyon yo.
"Bravo Melchie, ou fè fyète rejyon Concacaf la", responsab Concacaf yo ekri sou rezo yo maten an.
Pou kounya, Corventina an konsantrasyon ak seleksyon medam yo nan peyi Tiki, kote Ayiti ap jwe tounwa Pink ladies week la.
Melchie Dumornay gen randevou ak Ayiti samdi 26 oktòb 2024 la kont ekip Lachin nan.
