Premye Minis Justin Trudeau di Kanada pral fè gwo rediksyon nan kantite nouvo migran lap kite antre lakay li apre li admèt gouvènman li an echwe nan tantativ pou l ekilibre bagay yo apre pandemi COVID-19 la.
Gouvènman liberal Trudeau a te anvizaje akode rezidans pèmanan pou 500,000 nouvo migran nan ane 2025 ak 2026.
Kounyea, Trudeau deklare se 395,000 rezidans pèmanan yo pral bay nouvo migran yo ane pwochèn epi 380,000 an 2026 epi 365,000 an 2027.
Trudeau di imigrasyon esansyèl pou avni Kanada men fòk yo kontwole l e fòk li soustenab.
Minis Imigrasyon Marc Miller deklare chif pi ba pou imigrasyon yo pral ede Kanada jere rate lojman ki egziste nan peyi a.
