Madi 15 oktòb la nan aswè, kamyon ki t ap pote gazolin nan te fè manèv pou evite fè kolizyon ak yon lòt kamyon nan lokalite Majiya (eta Jigawa) epi li te fè aksidan.
Apre aksidan an, rezidan yo te rasanble alatou kamyon an pou ranmase gaz ki tap koule sou wout la .
Lawan Shiisu Adam ki se pòtpawòl lapolis la di ofisye lapolis yo ki tap eseye anpeche foul moun nan pwoche sou sèn aksidan an te bay vag akoz kantite foul moun ki te genyen .
Se lè sa a eksplozyon an te fèt li te ajoute, san yo pa presize kòz egzak la.
"Plis pase 140 moun ki viktim deja antere," se sa Nura Abdullahi, yon pòtpawòl ajans sekou nasyonal la (NEMA), e ajoute ke "chif viktim yo ka ogmante pi wo."
- Kriz ekonomik -
Peyi Nijerya se peyik ki gen plis moun sou kontinan Afriken an ap travèse yon kriz ekonomik grav, ak enflasyon ki monte nan 32.7% nan mwa septanm chif sa yo vin alimente an patikilye pa refòm ekonomik ke nouvo gouvènman prezidan Bola Ahmed Tinubu.
Pami mezi sa yo, yo mete fen sibvansyon gaz yo te konn bay, yon desisyon ki te koze priz gazolin la monte ment wotè.
Pri a nan ponp lan te "quintuplé" sa vle di miltipliye pa 5 fwa nan 18 mwa pase.
Ogmantasyon pri gaz la kontribye nan ogmantasyon pri manje ak transpò.
Vis Prezidan peyi a, Kashim Shettima, te di nan yon deklarasyon "Ensidan devastatè sa a souke nou tout pwofondman, Gouvènman federal la kanpe ak moun Jigawa yo".
Li te mande pou "gen yon revizyon konplè sou pwotokòl sekirite sou fason yo ap pote gaz nan peyi a" e li te mande "deplwaman imedya" ajans sekou peyi a.
Senatè yo te rankontre nan Abuja yo te obsève yon minit silans nan memwa viktim yo..
