“Non,m pap. Mwen panse sa ap fini la,” se sa Trump te di lè jounalis Sharyl Attkisson te mande li si li ap retounen ankò.
Kòmantè sa a te etonan paske Trump sanble te rejte lide yon katriyèm kandidati pou Mezon Blanch la, epi paske li raman li admèt posiblite li ta ka pèdi eleksyon yo. Trump te ensiste tou pou l di sa ka sèlman rive si gen anpil magouy nan vòt, yon fo deklarasyon li te fè an 2020, e li repete ankò pandan kanpay prezidansyèl li pou 2024.
Trump ap gen 82 an 2028, yon ane anplis laj aktyèl Prezidan Joe Biden kounye a. Biden te rale kò li nan konpetisyon an nan mwa jiyè apre echèk pèfòmans li nan deba epi plizyè mwa ap sibi atak Trump ak lòt konsèvatè ki te di li twò granmoun sa yo di ki rann li enprevizib pou fè travay la.
Attkisson te fè yon entèvyou ak Trump pou emisyon li “Full Measure.” Pandan entèvyou 22 minit sa, Trump te defann dosye li sou pandemi kowona viris la. Li te pran kredi pou devlopman vaksen COVID-19 yo ki te fèt pandan prezidans li, pandan l ap di “yo ap fè etid sou vaksen yo e nou pral dekouvri” si yo sekiritè.
Trump te di repibliken yo vin septik sou vaksen yo menm jan demokrat yo gen konfyans nan yo.
Deklarasyon sou 2028 la te vini nan fen entèvyou a, ki te enkli yon kesyon sou kijan Trump rete an sante. ansyen prezidan an te di, “Mwen eseye manje byen,” sa ki te fè Attkisson reyaji ak yon ekspresyon dout, paske li te remake Trump renome pou afeksyon li pou anmbègè.
Trump te reponn “ bon anmbègè,”.
