Ameriken kap viv nan kèk eta kapab kòmanse vote nan eleksyon prezidansyèl 2024 la apati jodi Vandredi a.
Elektè nan eta Vijini, Dakota di Sid epi Minnesota, ki se eta kandida vis prezidansyèl Tim Walz kapab komanse vote jodia.
Premye bilten yo ap depoze 6 semèn sèlman anvan jounen eleksyon an ki se 5 Novanm. Gen apepre yon douzèn lòt eta ki pral kapab vote bonè apati mitan mwad Oktòb la.
Toupatou Ozetazini, direktè eleksyon lokal yo ap ogmante sekirite pou pwoteje travayè yo ak biwo vòt yo pandan yap asire ke bilten yo ak pwosesis elektoral la dewoule komsadwa, san okenn entèferans.
Pi fò responsab elektoral yo atann yo aske anpil moun patisipe nan eleksyon ane sa a.
