LOS ANGELES —
Tito Jackson, youn nan frè ki te fè pati gwoup renome Jackson 5 la, mouri a laj de 70 zan.
Tito te twazyèm pami 9 timoun fanmi Jackson nan ki gen ladann sipèvedèt global Michael Jackson epi sè li Janet Jackson.
Tito te fè pati yon fanmi mizikal ki gen chante ki popilè jouk jodia.
Pitit gason misye, TJ, Taj ak Taryll anonse lanmo papa yo byen ta Dimanch swa sou Instagram.
Jackson 5 te enkli frè Jackie, Tito, Jermaine, Marlon epi Michael.
Gwoup familyal la ke yo enskri nan mize Rock and Roll la an 1997 te pwodui plizyè tib ki te rive nan nimewo 1. Pami yo: "ABC", "I Want You Back" epi "I'll Be There".
