Pi gwo dyaman ke moun janm jwenn depi yon syèk, yo detere li nan yon min nan Botswana. Prezidan peyi a te prezante bay mond la pyè a ki gwosè yon pwen li nan yon seremoni jedi.
Gouvènman Botswana a fè konnen pyè a ki gen 2.492 kara se 2èm pi gwo ke yo janm dekouvi nan yon min.
Se pi gwo dyaman ke yo jwenn depi 1905. Otorite yo prezante li bay mond la nan biwo Prezidan Botswana a, Mokgweetsi Masisi. Li peze apeprè yon demi kilogram.
Gouvènman an di li twò bonè pou yo di ki valè li, ni deside kouman yo ka vann li. Yon lòt dyaman ki pi pi piti e ki te soti nan menm min nan, nan Botswana, te vann pou 63 milyon dola an 2016, yon rekò pou yon pyè pandan pa gen okenn travay ki fèt sou li.
